Rede Feto Timor-Leste hetan fundus husi Secretaria Estadu Igualdade (SEI), ohin 21 Novembru 2023, realiza Formasaun ho Tema “ERANSA MURAK NE’EBE ITA RAI BA ITA NIA JERASUN MAK DOMIN NO TOLERANSIA LAOS VIOLÉNSIA” iha Suku Villa Verde, Postu Administrativu Vera-Cruz Munisipiu Dili. Objectivu husi formasaun ne’e hodi haklean koñesimentu kona-ba Violénsia Bazeia ba Jéneru (VBJ). Ho nune’e bele kontribui ba prevensaun no elimina Violénsia Bazeia ba Jéneru (VBJ).

Diretora Executiva Rede Feto Timor-Leste Sra. Aida Expostu iha nia intervensaun hateten, formasaun ne’e nudar prosesu sensibilizasaun no konsensializasaun kona-ba prevensaun Violensia Bazeia ba Jeneru (VBG) no Asistensia Legal ba Feto ho labarik, atu tulun konsensializa familia sira no Konsellus de Sukus, hodi hatan ba problemas Violensia Bazeia ba Jeneru iha Familia, Aldeia no Suku laran, neébe kontinua rejista aas, liga ho servisu Rede Referal nia atendimentu, akompanhamentu no asistensia ba vitima ho autor sira neébe mak mai husi familia.

Iha fatin hanesan Administrador do Postu Sr. Manuel Gusmão hateten, momentu inportante tebes mai ita, tanba ohin bele hetan oportunidade partilã informasaun diak konaba Violénsia Bazeia ba Jéneru (VBJ). ba komunidade no lider komunitariu sira iha Suku Villa Verde. nia parte mos husu ba Xefe Suku, Xefe Aldeia, Delegadu/a sira, atu la bele rai deit materia no informasaun ne’ebé sira hetan, maibe tenki fahe mos ba komunidade, atu sira bele iha konesimentu konaba saida mak Violénsia Bazeia ba Jéneru (VBJ) no karik mosu Violénsia Bazeia ba Jéneru (VBJ) iha sira nia leet komunidade sira bele atende.

Entretantu formasaun ne partisipantes ne’ebé partisipa iha atividade formasaun neé, konpostu husi Konsellu Suku, (Administrador do Postu, Xefe Suku, xefe Aldeia, Delegadu/a,Lia Nain Juventude hamutuk 29, mai husi feto 18 mane 11