![](/media/event/img/event_59.jpg)
Selebrasaun Kampaña Loron 16 Ativizmu Kontra Violénsia Hasoru Feto No Labarik Feto, Ne'ebé Ho Tema Nasionál :" Eransa Murak Ba Ita Nia Jerasaun Mak Domin No Toleransia, Laos Violénsia
Rede Feto Timor Leste hamutuk ho Reprezentante Servisu Apoiu Sosiedade Sivil no Auditoria Sosial (SASCAS - VPM), ohin Sexta-feira, 01 Dezembru 2023 Selebra Kampaña Loron 16 Ativizmu Kontra Violénsia Hasoru Feto no Labarik Feto, ne'ebé ho Tema Nasionál :" Eransa Murak ba Ita nia Jerasaun mak Domin no Toleransia, Laos Violénsia". Atividades ida ne'e hala'o iha Suku Matata, Postu-Administrativu Railako, Munisípiu Ermera.
Relasiona ho atividades no sorumutu ne'e, partisipantes hato'o katak númeru kazu violénsia hasoru Feto kontinua aumenta, ho nune'e partisipantes hato'o rekomendasaun ba partes relevantes, atu kontinua halo sosializasaun, atu nune'e komunidade bele iha koñesimentu diak, ho nune'e bele hamenus violénsia iha familia.
Husi atividades refere, observasaun husi ekipa hatudu katak komunidade iha Suku Matata, Postu-Administrativu Railako, Munisípiu Ermera hamutuk ho Autoridade Lokál sira antusiasmu ho atividades ida ne'e, tanba liu husi atividades ne'e bele aumenta komunidade nia koñesimentu diak liu tan.
Atividades ida ne'e, hetan apoiu fundus husi Servisu Apoiu Sosiedade Sivil no Auditoria Sosial (SASCAS-VPM)