Ohin Sexta-feira, 01 Dezembru 2023 Rede Feto Timor Leste Selebra Kampaña Loron 16 Ativizmu Kontra Violénsia, Hasoru Feto no Labarik Feto, ne'ebé ho Tema Nasionál : " Hamutuk Investe iha Familia Hodi Prevene Violénsia Hasoru Feto no Labarik Feto". Atividades ida ne'e hala'o iha Suku Euquise, Postu-Administrativu Lautem, Munisípiu Lautem.

Entretantu, Reprezentante Rede Feto Timor Leste Sra. Judit Diaz Ximenes , fahe Informasaun kona-ba Violénsia Bazeia ba Jeneru (VBJ) no nia prevensaun ba partisipante sira hotu, aliende ne ,Sra. Judit Diaz Ximenes mos introduz ba partisipante sira kona-ba tipu Violénsia oioin ne’ebé iha, no oinsa atu prevene Volénsia karik komunidade sira hasoru rasik

Iha fatin hanesan , Xefe Suku, Euquise Sr. Cristovão Vieira hateten katak , Materia ne’ebé Rede Feto Timor Leste fahe ne, importante tebes ba komunidade sira hotu, atu bele motiva no sosializa komunidade sira hotu hodi hadok an husi komflitu no violénsia hasoru feto no labarik feto, nia parte mos hato’o sujestaun ba ekipa Rede Feto Timor-Leste, atu iha futuru tenki kontinua realiza nafatin aktividade hanesan ne bebeik, atu nune bele habelar liu tan komunidade sira nia koñesimentu kona-ba Violénsia Bazeia ba Jéneru no violénsia iha familia.

Husi atividades refere, observasaun husi ekipa hatudu katak, komunidade iha Suku Euquise, Postu-Administrativu Lautem, Munisípiu Lautem. Lider Komunitariu sira antusiasmu ho atividades ida ne'e, tanba liu husi atividades ne'e bele aumenta komunidade nia koñesimentu diak liu tan.Atividades ida ne'e, hetan apoiu fundus husi Secretario Estadu Igualdade Inkluzaun (SEI).