1. Kandidatu membru tenke koñese no komprende didiak natureza no karákter Rede Feto molok hato’o kandidatura

2. Hetan rekomendasaun husi organizasaun rua, fundadór ida no organizasaun ne’ebe sai ona membru liu tinan lima.

3. Prontu atu promove no atu suporta vizaun no misaun Rede Feto

4. Organizasaun kandidatu tenke hatama karta rekerimentu no estatuto legalizadu hosi Ministériu Justisa no Trinunál Rekursu.

5. Kandidatu membru tenki mai husi organizasaun ne’ebe iha vizaun, misaun ba asuntu igualidade jéneru no preenxe alinea 2 artigu 5.

6. Organizasaun kandidatu tenki hala’o prosesu durante fulan neen (6) hahú hosi loron/data hatama karta rekerimentu atu sai membru Rede Feto Timor Leste no simu hosi Konsellu Diretoria (Board), halo verifikasaun hodi aprezenta iha Asembleia Membru atu hetan aprovasaun.

7. Bainhira hetan ona aprovasaun husi Asembleia Membru, organizasaun refere tenke asina Deklrasaun hamutuk no hetan kopia númeru registu hosi Selretariadu Rede Feto Timor – Leste.

8. Bainhira kandidata la hetan aprovasaun iha Asembleia Membru, organizasaun refere bele hato’o fali nia kandidatura iha tempu seluk.

9. Ba organizasaun ida atu sai nu’udar membru, tenke preenxe kondisaun no rekejitus administrativus hanesan tuir mai:

a. Aprezenta karta kandidatura ba Konsellu Diretoria liu husi Sekretariadu RF.

b. Organizasaun kandidata tenke ih interese no kompromisu ba asuntu feto, hatudu liu husi nia program aka dokumentus organizasaun nian (Estatutu, Planu Estratéjiku nst).

c. Preenxe formuláriu ne’ebé prepara husi Sekretariádu Rede Feto Timor-Leste

d. Hetan rekomendasaun husi Organizasaun Membru rua (2) ne’ebé mak sai ona hanesan membru Rede Feto Timor-Leste ho mínimu tinan 5.

e. Organizasaun kandidata tenke kompremetidu atu selu Kouta (member fee).

f. Organizasaun kandidatu iha tempu ne’eba la involve iha krime ka iha prosesu justisa nia laran.

g. Prezensa iha Asembleia simu kandidatura la iha delegasaun, tenke reprezenta hosi diretora no Konsellu atuál.