Saida mak Manual Fasilitasaun Edukasaun Família?

Manual Fasilitasaun Edukasaun Família mak guiaun ida ne'ebe ajuda ita atu implementa atividade visita familia husi uma ba uma, komunidade, grupu organizasaun sira hodi habelar no dezamina informasaun konaba asuntu jéneru ho mane, feto, adolexente sira no ema ho limitasaun fisiku.

Liuhusi manual fasilitasaun ida neé no mós sumariza ho mensajen pozitivu sira, atu harmoniza familia sira iha uma laran no hasa’e feto nia partisipasaun iha foti desizaun iha família, grupu, no komunidade, inklui fó importánsia ba labarik feto sira nia direitu atu asesu edukasaun no ezerse direitu sira seluk hanesan ho labarik mane sira.

Manual ida neé nia objetivu hodi suporta Fasilitador Edukasaun Família hodi implementa atividade vizita família iha diskusaun ho familia sira iha komunidade.

Kontiudu saida deit maka iha Manual Fasilitasaun Edukasaun Família nia laran ?

Manual ne'e sei lori ita ba hatene konaba :

1. Knaar no Responsabilidade Familia

2. feto FOinsa'e Isin Rua Sedu

3. Incestu (dezafiu relasionamentu ho familia)

4. Abandona Bebe (dezafiu relasionamentu ho familia)

5. Violensia Domestika (dezafiu relasionamentu ho familia)

6. Foti desijaun iha Familia.

Ba maluk sira ne'ebe hakarak atu asesu ba RFTL nia Manual Fasilitasaun Edukasaun Família - Vizita Família bele kontaktu ami ka visita ami nia ofisiu hodi hetan informasaun kona-ba manual refere.