Gender Analysis of COVID-19's Impact on Women's Economic Empowerment (Análize Jéneru kona-ba Impaktu COVID-19 nian ba Feto sira-nia Hakbiit Ekonómiku)

Pandemia COVID-19 fó impaktu profundu no desproporsionál ba feto sira iha mundu tomak, inklui Timor-Leste. Peskiza kualitativu ida-ne’e analiza oinsá krize saúde afeta empoderamentu sosioekonómiku feto Timor sira inkluidu inan-mesak sira, feto-faluk sira, vendedor, ema ho defisiénsia, komunidade LGBT, sobrevivente husi violénsia pasadu no traballadór doméstiku - grupu ne’ebé vulneravel liu iha situasaun ekonómika difisil.

Nune’e ho apoiu husi UN Women liuhosu fundus UN Secretary General’s COVID-19 Multi-Partner Trust Fund ba Rede Feto Timor-Leste ho Organizasaun Membru 13 ho parseriu sira realiza peskiza “Qualitative Gender Analysis of the Impact of COVID-19 on Women ‘s Socio-Economic Empowerment” liga ba Subsidiu Pagamentu ba uma-kain husi Governu Timor-Leste ba responde familia sira nia nesesidade basiku.

Resultadu husi peskiza ida ne’e Rede Feto uza hodi define prioridade konjunta sira iha organizasaun feto sira-nia leet no halo hela advokasia ba sira atu sai prioridade nasionál sira hodi alkansa ita-nia planu dezenvolvimentu estratéjiku no objetivu dezenvolvimentu sustentável sira.

Deskobrimentu sira husi estudu ida-ne’e fó rekomendasaun ba governu sira, Parlamentu Nasional, Lider Suku sira atu implementa estratéjia sira ne’ebé garante reziliénsia boot liu no ekuidade jéneru iha tempu krize.