Prevensaun no Kombate Violénsia Bazeia ba Jéneru no Violénsia Doméstika iha Munisípiu Bobonaro, Postu Administrativu Maliana

Regulamentu tara bandu ida ne'e adota ba dahuluk iha postu administrativu Maliana. Tara bandu nudar lei oral iha kultura Timor-Leste nian ne'ebe aplika ona iha tempu naruk nian laran desde beiala sira. Lei inan KRDTL artgu 2 kona-ba Soberania no Konstitusionalidade iha numeru 4 katak Estadu rekoñese no valoriza Timor-Leste nian lei no uzu kustumeriu ne’eb’e la kontraria konstituisaun no lejislasaun kona-ba direitu kustumeiru. Regulamentu tara bandu ne’e kontribu hodi kompleta sistema justisa formál, partikularmente Tara Bandu ne’e nudar komponenti ne’ebe hakesi relasaun no sai mós dalan ida hodi respeita lei no respeita ba kultura.

Regulamentu Tara Bandu ne’e dezenvolve atu hatan ba preokupasaun no dezafiu ne’ebé vítima sira hasoru durante andamentu prosesu justisa nian, prosesu jurídiku ne’eb’e lori tempu naruk no distánsia ne’eb’e dook afeta mos ba kondisaun ekonomia vítima nian. Regulamentu ne’e dezenvolve liuhosi Projetu Hakbiit Feto ho apoiu finanseiru husi Uniaun Europeia no finansiamentu husi Ajénsia Dezenvolvimentu Austríaka.

Rede Feto Timor-Leste iha kolaborasaun ho Ajénsia Dezenvolvimentu no Asisténsia Adventista (ADRA) Timor-Leste iha Projetu Hakbiit Feto lansa ona regulamentu Tara Bandu atu kombate Violénsia Bazeia ba Jéneru no Violénsia Doméstika iha postu administrativu Maliana, Munisipiu Bobonaro. Tara Bandu ne'e realiza atu bele haforsa no kompleta liutan implementasaun formais lei kontra violénsia doméstika ne'ebe vigor iha Timor-Leste, liu-liu kontribui ba presensaun kazu Violénsia Bazeia ba Jéneru no Violénsia Doméstika.