I. Introdusaun

Asosiasaun Dezenvolvimentu Futuru Labarik (ADFL) harii ho hanoin atu haburas unidade dezenvolvimentu edukasaun, saúde, psikolojia, advokasia, infrastrutura, difisiénsia, transportasaun no komunikasaun.

Asosiasaun ADFL hanesan organizasaun foun ne’ebé harii iha dia 19 Marsu 2022, lokaliza iha Wedi’in, Nalolo, Clacuc, Fatuberliu, Manufahi. Asosiasaun hetan legalidade husi Ministériu Justisa ho nú. 17/DNRN-DGSRN/MJ/III/2023

Prinsipiu husi organizasaun nia maka hanesan 1. Edukasaun ba Labrik sira nu'udar xave numeru um ba nasaun; 2. Fasilita fasilidade ba Ensinu Pre-Eskolar iha kualidade diak no iha valores ne'ebe bele besik hanesan ho nivel nasional no internasional, 3. Dezenvolve no produz Tri Logia Edukasaun Potensial (Edukasuan Informal no Edukasaun Formal) nakonu ho potensia kualitativu, famosu, kontinua iha evidensia konfiansa husi komunidade.

II. Vizaun no Misaun oranizasaun

Asosiasaun ne’ebe harii ho vizaun no misaun tuir mai:

Vizaun

1. Realiza no konkretiza fasilidades, uma no jardin ensinu Pre-Eskolar sira ho kualidade kmanek no kmo’ok, famozu iha komunidade internal ho external sira nia neon ho matan;

2. Kria fasilidade edukasaun ne’ebé iha kualidade ba ema hotu;

3. Hasa’e kapasidade (skill), mentalidade no programa prioridade principal balun hamutuk ho makina ativu infrastrutura no makina ativu saúde sira.

Misaun

1. Bok-an neneik no bebeik hamutuk ho komunidade sira iha baze hodi forma kriasaun ida ne’ebé iha mentalidade kualitativu no futuristiku.

2. Promove partisipasaun públiku iha formulasaun edukasaun no programa edukasaun ba ema hotu.

3. Halibur hamutuk ho komunidade hodi dezemvolve no mentaliza labarik ki’ik oan sira ba fututu ne’ebé kmanek no kmo’ok.

4. Kria no hametin relasaun no koperasaun diak ho Governu, Estadu, Agénsia, NGOs nasionais no internasional sira nomos redi suportador pozitivu sira seluk.

III. Programa

Hanesan organizasaun nao governamental ne’ebe sei foun hela, AEFL nian programa ba tinan 5 tuir maim aka sei foka liu ba area importante hat hanesan:

1. Edukasaun

2. Saúde (psikolojia)

3. Infrastrutura

4. Hare ba ema ho difisiente

5. Advokasia

6. Agrikultura

7. Monitoring & Evaluation