Segunda Feira 18 Dezembru Rede Feto Timor-Leste servisu hamutuk ho UN Women realiza aktividade Validasaun ba Projetu Auditoria Seguransa Feto (ASF)Objectivu husi aktividade ne maka, atu identifika Fator Xave sira ne’ebé lori ba aumenta ka hamosu Violensia Hasoru Feto No Labarik Feto sira inklui Ema ho Defisiensia sira, fo rekomendasaun parte relevante sira hotu atu hadia espasu publiku sira, bele seguru liu tan ba Seguransa Feto no Labarik Feto sira inklui EhD sira.Entretantu iha aktividade ne ekipa teknika Rede Feto Timor Leste halo aprezentasaun dadus validadsaun husi fatin publiku rua hanesan Merkadu Taibesi no Areadores Kristo Rei, hare ba nia viabilidades asesu ba haris Fatin Públiku, Paragem Transporte ne’ebé ladun diak, Valetas no Paredes ne’ebé nakonu ho lixu no riskadu oioin ho liafuan ladun diak. Hare ba espasu publiku hanesan Merkadu ne’ebé foer nakonu, Haris Fatin Merkadu ne’ebé publiku labele asesu tamba foer no laiha be mos.Iha fatin hanesan reprezentante Presidente autoridade Munisipiu Dili Diretora Administrasaun Munisipiu Dili Sra. Justina Amaral Hateten nia parte mos rekonese katak seidauk iha Regras Rigorozas ruma atu Kontrola Merkadu Taibesi tamba ne’e presija iha servisu hamutuk ho parte relevante hotu no Rede Feto Timor-Leste rasik atu halo sosializasaun ba komunidade oinsa bele kuidadu espasu publiku ne’ebé Governo prepara onaEnkuanto Reprezentante Prezidente Konsellu Diretoria Rede Feto Timor-Leste Sra. Maria Makulada Guteres hateten, Rede Feto Timor Leste rona no toma nota rekomendasaun no sujestaun hotu ne’ebé partisipante sira fo ona atu nune ba futuru bele hadia diak liu tan ita nia komunidade nia konesimentu oinsa uja espasu Publika ne’ebé ihaAktividade ne rasik realiza tamba apoiu Fundus husi UN WOMEN