Kinta feira 15 Fevereiru 2024 Rede Feto parseria ho ADRA TL liu husi Projetu Hakbiit Feto realiza “WORKSHOP KONSULTASAUN HO FORMADORES PRE-KAZAMENTU” iha Parokia São José Aimutin Dili, ho objetivu: a. Atu esplora liutan ideas sira no hetan komentariu balu husi partisipante sira hodi bele hafurak no kompleta liu tan Workshop ida ne’e liu husi aprezentasaun manual pre-kazamentu ne’ebé mak dadaun ne’e iha ona.b. Atu hasa’e no aumenta koñesimentu formador sira nian kona-ba oinsa utiliza no fasilita Manual Pre-kazamentu, iha prosesu preparasaun Kandidatu kaben nain foun sira antes simu Sakramentu Matrimoniu.Padre Pároco Parokia Saun José Aimutin (Pe Emanuel Lelok Talok, CMF), iha abertura hato’o agradesimentu ba Rede Feto, tanba bele tulun Formador sira ho informasaun ne'e liu husi Manual pre-kazame tu ne'e. hatutan mós katak Parokia São José Aimutin nia odamatan nafatin nakloke ba aktividade positivu sira hanesan ne’e tanba aktividade hanesan nee tulun tebes sarani sira atu hasae liu tan sira nia konesimentu liga ho asuntu Pre-kazamentu.Padre Paroco mos hatutan tan katak, tau matan ba familia ne'e responsabilidade ema idak idak ne’ebé Maromak tau hamutuk ona sai ida deit ho Domin no Graca Maromak nian, maibe ema hotu hotu iha responsabilidade hodi tane no hametin uma kain idak idak nian iha familia nia laran, liu liu uma kain sarani sira nian, iha fatin hanesan Amu Paroku Pe Emanuel Lelok Talok. CMF oficialmente halo abertura ba aktividade Workshop ne’eDiretora Ezekutiva Sra. Aida Expostu nudar mos Fasilitadora ba Workshop refere hodi fahe Informasaun importante liga Manual Pre-Kazamentu ho Topiku 4:1. Motivasaun no Expetativa....2. Igualdade Jeneru.3. Feto no Mane Apoiu Malu iha uma laran.4.Ekonomia no Financiamentu Familia.Formadores ne’ebé partisipa iha Workshop ne’e kompostu husi reprezentante ; Konsellu Pastoral Parokia, Komisaun Formasaun Permanente Vida Kristaun, Komisaun Familia, Juventude, Grupu kategorial, Xefe de Bairu no katekista.Partisipante ne’ebé partisipa iha aktividade hamutuk 38 kompostu husi ne’e husi Mane 11 no Feto 27