Ohin 06 Dezembru 2023 Rede Feto Timor-Leste, Organiza aktividade Forum Dialogu nivel Universitariu ho tema ‘’ ERANSA MURAK BA ITA NIA JERASAUN MAK DOMIN NO TOLERANSIA LAOS VIOLÊNSIA” hamutuk ho Estudante Universitariu sira, iha aktividade ne prienxe husi Orador hanesan Presidente Konsellu Diretoria Rede Feto Timor-Leste Sr.Zelia Fernandes, Xefe Gabinete Igualdade Generu Inkluzaun, Polisia Nasional Timor- husi Leste Sra. Maria Fátima Martins no Diretor Geral Ministeriu Solidariedade Sosial no Inkluzaun Sr. Florencio PinaIha oportunidade ne’e Presidente Konsellu Diretoria Rede Feto Timor Leste Sra. Zelia Fernandes hato’o seja Bemvinda ba partisipante husi Universidade sira hotu no konvidadus insituisaun relevante, inklui Orador sira hotu. Presidente Konsellu Diretoria Rede Feto Timor Leste mos introduz ba partisipante sira hotu kona-ba Objectivu husi aktividade Forum Dialogu Nivel Universitariu , hodi Komemora Loron 16 Dias Kampaña Ativismu Kontra Violensia Hasoru Feto No Labarik, nia parte mos hatutan Objectivu husi aktividade Forum Dialogu Nivel Universitariu ne atu hasae konsiensia no mos koñesimentu Universitariu sira nian liga ho Prevensaun no Eleminasaun Violensia Bazeia ba Jeneru (VBJ) Violênsia Domestika, Presidente Konsellu Diretoria Rede Feto Timor Leste Sr. Zelia Fernandes mos hatutan, tuir dadus ne’ebe nia asesu Númeru Kaju Violênsia Domestika, hasoru Feto no Labarik nia Persentagem kontinua a’as, tamba ne’e presija ema hotu nia kolaborasaun, laos deit husi Movimentu Feto sira no Instituisaun ne’ebé Tutela ba Asuntu ne’e deit, maibe tenki mai mos husi Sosiedade hotu hodi bele kontribui ba Eliminasaun no Prevensaun Kaju Violênsia Hasoru Feto no LabarikAlém de ne’e Presidente Konsellu Diretoria Rede Feto Timor Leste Sr. Zelia Fernandes mos introduz ba partisipante sira hotu kona-ba Ezistensia Rede Feto Timor-Leste, Misaun no Mandatu Rede Feto Timor-Leste, Papel Rede Feto Timor-Leste nia liga ba Advokasia atu kombate Violênsia Bazeia ba Jeneru(VBG) Iha fatin hanesan , Xefe Gabinete Igualdade Generu Inkluzaun, Polisia Nasional Timor- husi Leste Sra. Maria Fátima Martins introduz ba partisipante sira hotu kona-ba Papel Gabinete Igualdade Generu Inkluzaun hodi hare kona-ba direitu feto ho mane hanesan , Implementasaun Rejolusaun Planu Asaun Nasional 1325Iha aktividade ne Diretor Geral Ministeriu Solidariedade Sosial no Inkluzaun Sr. Florenciu Pina hato’o mos Papel MSSI hanesan n Responsavel ba Rede Referal no fo asistensia ba Vitima ba Violênsia bazeia ba Jeneru no Labarik iha Risku Perigu.Entretantu aktividade ne hetan Abertura Ofisialmente husi Reprezentante Ministeriu Ensinu Superior Ciência e Cultura Sra. Tereza de Carvalho no taka Ofisialmente husi Reprezentante Servisu Apoiu Sosiedade Sivil no Auditoria Social (SASCAS) Sra. Nori Maria SoaresIha aktividade ne partisipa mos. Husi Reprezentante Servisu Apoiu Sosiedade Sivil no Auditoria Social (SASCAS), Reprezentante Ministeriu Ensinu Superior Ciência e Cultura Sra. Tereza de Carvalho, reprezentante Secretariu Estadu Igualdade, Estudante husi Institutu Superior Cristal (ISC) Estudante husi Universidade da Paz (UMPAZ) Estudante husi Universidade Oriental Timor Lorosae (UNITAL) Estudante husi Universidade Timor Lorosae (UNTL) Estudante husi Dili Institute Of Technology (DIT) Estudante husi Institute Of Busibess (IOB) no partisipante hotu hamutuk 58, kompostu husi feto nain 29 no mane 29, aktividade ne rasik mos fo oportunidade ba partisipante sira atu husu ba orador sira liga ba tema no aktividade ne’ebé iha no perguntas sira hotu sei hatan direitamente husi Orador Aktividade ne realiza tamba hetan apoiu finanseiru husi Servisu Apoiu Sosiedade Sivil no Auditoria Social (SASCAS)