28-03-2023, Parseiros inplementadores Projetu IFES, ne'ebe kompostu husi OVID'16, Rede Feto Timor-Leste, CODIVA, RHTO, APFTL, Grupo Rebenta ho apoiu fundus husi IFES, kolabora ho CNE no Autoridade, hala’o atividade Konsertu Muzikal husi Banda Musika OVID’16, Teatru husi Grupo Rebenta, ne’ebe anima komunidade sira ho antusiasmu, rona mos Mensajem positivu husi Rede Feto Timor-Leste kona-ba direitu no dever Sidadaun hotu nian.

Objetivu husi atividade ne'e atu enkoraja Feto sira, Grupus Marzinalizadus ho komunidade em jeral ho idade 17 ba leten, atu ba halo resensiamentu. Nune’e iha loron 21 Maiu 2023, hakat ba Sentru Votasaun, hodi hili Partidu Politiku ne’ebe iha programa diak, hodi ba ukun iha tinan 2023-2028.

Atividade ne’e hala’o iha Merkadu Maumate, Suku Naimeco, Postu Administrativu Pante Makasar, Rejiaun Administrativa Especial Oecusse Ambeno (RAEOA).

Mai Ita Promove Eleisaun ho “ PAZ, ASESIVEL NO INKLUZIVU”.