loron 22 novembru 2023 , Rede Feto Timor-Leste Parseria ho Secretaria Estadu Igualdade (SEI) realiza Formasaun ho Tema “ERANSA MURAK NE’EBE ITA RAI BA ITA NIA JERASUN MAK DOMIN NO TOLERANSIA LAOS VIOLÉNSIA” iha Suku Comoro, Postu Administrativu Dom-ALeixo Munisipiu Dili, ne’ebe loke husi Reprezentante Administrador do Postu.... Objectivu husi formasaun ne’e, atu konsensializa no haklean koñesimentu Lider Komunitaria sira kona-ba Violénsia Bazeia ba Jéneru (VBJ) ho Prosesu Asistensia Legal, hodi tulun atendiemntu no asistensia vitima no kontribui ba prevensaun no redusaun Violénsia Bazeia ba Jéneru.Iha oportunidade ne’e Diretora Executiva Rede Feto Timor-Leste, Aida Exposto hateten, nudar Sidadaun, Ita iha Lei, Konstituisaun RDTL, iha Konvensoes Internasionais ne’ebe Estadu Timor-Leste ratifika ona, iha Lei Tradisional, Lei Tara Bandu ne’ebe orienta ita ba respeita ema nia direitu. no husi maioria nudar sarani, ita iha Maromak nia Ukun fuan ne’ebe hanorin mos ita atu respeita, perdua no hadomi malu. Maibe realidade nafatin iha kazu Violensia Domestika, Violensia Bazeia ba Jeneru (kazu isin rua sedu, kazu soe bebe, kazu abandona, kazu divorsiu, kazu asediu/abuzu, violasaun sexual, kazu incestu) ne’ebe kontinua rejista aas. Ita hotu (individu, Familia, Sosiedade Civil, Autoridade Governu, Igreija) preukupa tebes ho situasaun ne’e. Nune’e mos Maria Jose Guterres nudar Manajer Programa RFTL hatutan, Ita ida-idak tenki konsienta katak ita hotu iha dever no responsabilidade hanesan, sensibiliza malu no buka tuir abut husi violensia, inpaktu husi violensia no meius prevensaun, hodi kontribui ba redusaun numeru kazu no vitima iha ita nia leet.Iha fatin hanesan Kordenador Prevensaun no Advokasia ALFELA Antonio Marques husi ALFELA, hatoo ba parsipante sira kona-ba fornesimentu Asistensia Legal ba Feto no Labarik sira vitima husi violensia Domestika, nia parte mos enkoraja partisipante sira atu labele tauk no tur nonok karik hasoru violensia, tenki halo keixa ba parte relevante hanesan Lider Komunitariu, Polisia no Parseirus ne’ebé servisu iha area refere.Xefe Aldeia fomentu 2 Marcus da Costa Silva Boavida. agradese ba Rede Feto Timor-Leste, bele mai partilla ona materia importante ne’e no nia promete sei fahe ba nia komunidade sira atu nune bele reduz numeru Violénsia Bazeia ba Jéneru (VBJ) iha nia aldeia laran.Felicia N. Jesus Cortereal, agradese formasaun ne’e bele hatene klean VBG no importante ba foin sae sira inklui menoridade, atu kuida-an husi abujus no asediu seksual no oinsa medidas ruma hasoru autor.Partisipantes iha formasaun neé, konpostu husi Konsellu Suku, (Reprezentatnte Administrador do Postu, xefe Aldeia, Delegadu/a, Lia Nain Juventude husi Suku Comoro