Rede Feto Timor-Leste ohin 09–02-2024 realiza aktividade Workshop Validasaun Rezultadu Peskiza Heroina ho Peskiza Impaktu Media Sosial. objectivu husi aktividade ne’e atu rona no simu komentarius no sugestaun husi partisipante sira, atu konklui rezultadu ne’e lori ba faze lansamentu iha tempu tuir mai.Aktividade ne’e marka prezensa husi Sua Ex Secretariu Estadu Komunikasaun Sosial (SECOMS) Sr. Expedito Diaz Ximenes, Sua Ex Secretariu Estadu Igualdade (SEI) Sra. Elvina Sousa Carvalho ho Diretora Suvensaun Servisu Apoiu Sosiedade Sivil Auditoria Sosial (SASCAS) Sra. Suzeti Soares Prezidente Konsellu Diretoria Rede Feto Timor-Leste Sra. Zelia Fernandes hato’o liafuan Bemvindu ba konvidadus no Governante sira ne’ebé sakrifika ona sira nia tempu hodi mai partisipa iha aktividade Workshop Validasaun ba Peskiza rua refere no mos ho introdusaun badak ba konvidadus sira hotu kona-ba Peskiza rua refere.Iha tempu hanesan, Sua Ex Secretariu Estadu Komunikasaun Sosial (SECOMS) Sr. Expedito Diaz Ximenes, kongratula Rede Feto Timor-Leste, tanba bele realiza peskiza 2 hanesan Peskiza Heroina no Peskiza Impaktu Media Sosial neé, nia parte mos hatutan tan katak: koália kona-ba luta libertasaun Feto nian ita mos tenki koália kona-ba papel feto nia luta durante funu nia laran, nia mos hatuan katak kuando koália kona-ba impaktu media social ita lalebe sees mos husi avansu teknologia, oinsa atu responde ba avansu ne’e, ida ne’e fila fali ba ita idak idak hodi hasoru era digitalizasaun hanesan agora ne’e, liu liu ba Media sira, Media tenki sai Universidade Aberta ida ba publiku no sai agente transformador Mentalidade ba sosiedade hotu no ne’e importante tebes, tanba agora produtor ba notisia laos deit husi media konvensional sira, maibe agora ema hotu bele sai media no produtor notisia liu husi nia telemovel rasik, tanba ne’e nia parte mos husu ba partisipante sira hotu atu uja Media Sosial tuir nia padraun lolos, labele uja media hodi estraga fila fali sira nia mentalidade no identidade.Alende ne Sua Ex Secretariu Estadu Igualdade (SEI) Sra. Elvina Sousa Carvalho iha nia intervensaun hateten, Nia sente orgullu no fo apresisaun boot ba Rede Feto ho nia membru tomak, tanba bele halo ona advokasia ba asunto Feto no Labarik sira, Asegura Orsamentu Sensivel ba Generu no asegura Planu VBJ. Nia parte mos hatutan katak Informasaun rezultadu peskija hanesan ne’e, tenki fahe mos ba entidade hotu, liu-liu ba parte Instituisaun relevante ba atu sai mos hanesan matadalan ba Governu atu halo politika no stratejia responde asuntu ne’eIha fatin hanesan Diretora (SASCAS) Sra. Suzeti Soares Sra. Agradese ba Rede feto tanba bele konvida ona mai partisipa iha aktividade importante ne’e, Dirigente (SASCAS) ne’e mos kompremetidu katak sei nafatin fo apoiu ba Sosiedade Sivil Sira hotu atu bele dezemvolve no mantein Sosiedade Sivil sira nia servisu hodi diak liu tan, Kontinuasaun husi Workshop ne’e, mak aprezentasaun rezultadu :1.Peskiza Heroina aprezenta hosi Sr. Nunu Rodriges Peskizador husi OPMT2.Peskija Impaktu Media Sosial Sra. Maria Jose Guterres, Gerente Programa Rede Feto Timor-Leste no reforsa husi Sra. Zelia Fernandes Presidente Konsellu Diretoria RFTL Atividade ne’e realiza tanba hetan apoiu Fundus husi (SASCAS)