Rede Feto Timor-Leste ohin 23 Novembru 2023 organiza formasaun ho TEMA REFORSA GRUPU AGRIKULTURA LIGA HO SEGURANSA AI-HAN NO NUTRISAUN,JESTAUN MERKADORIA. Objektivu husi Formasaun neé atu reforsa no aumenta membru sira nia abilidade liga ho seguransa aihan, nutrisaun no promove kontribuisaun feto ba dezemvolvimentu sosiu ekonomiku iha komunidade. Iha Oportunidade neé Presidente Konsellu Diretoria Rede Feto Timor Leste Sra. Zelia Fernandes halo introdusaun no hatoo objetivu husi formasaun ne, fahe informasun inportante balun ba partisipante liga ho topiku formasaun. Hanesan reforsa konesimentu ba familia idak-idak nian atu bele kuda no produz aihan sira ne’ebé mak diak, haklean liu tan kona-ba tekniku no nia Metologia ba Partisipante sira hotu, nia parte fiar katak membru partisipante no sira nia grupu alvu sira ne’ebe implementa ona programa iha munisipiu sira, lao ona programa produtivu lubuk ida iha munisipiu. Tamba nee Presidente Konsellu Diretoria Rede Feto Timor Leste Sra. Zelia Fernandes hateten liu husi formasaun ida nee atu haforsa liu tan membru sira nia konesimentu ne’ebé maka iha ona atu nune bele kontribui ba asegura aihan, tamba tuir tekniku Meteorologia ne’ebé fo sai ona katak Timor-Leste sei hasoru tempu bailoro naruk no tuir informasaun ne’ebé iha mal nutrisaun ne laos deit mai husi hahan ne’ebé ladiak maibe ambiente mos kontribui ba mal nutrisaun, ezemplu Camada de Ozônio/Lapisan Ozon, agora komesa mihis ona vitimana ne’ebé produz husi loron matan ne la saudavel ona entaun bele kontribui Stanting no estraga ema nia kulit, tamba ne nudar ema agrikultor tenki konserva nafatin aihoris no labele tesi ai horis arbiru no kuidadu nafatin ambiente atu bele akumula nutrisaun ne’ebé diak, Presidente Konsellu Diretoria Rede Feto Timor Leste Sra. Zelia Fernandes mos hatutan tan katak formasaun ne’e importantes tebes ba membru sira atu bele hasae no hakonu liu tan membru sira nia konesimentu ne’ebe iha ona no mellora diak liu tan konesimentu membru sira nianMarka prezensa iha formasaun ne’e Diretor Ezekutivu SASCAS Sr. Edvin Duarte Noronha, introduz ba partisipante sira hotu kona-ba papel no funsaun SASCAS nian. Diretor Ezekutivu SASCAS nee mos Rekomenda ba Rede Feto Timor Leste atu prepara an diak nafatin, halo komunikasaun diak ho entidade hotu-hotu oinsa bele apoiu no tulun Governu ida nee hodi kontribui ba dezenvolvimentu iha rai ida ne no ba bem estar povu Timor-Leste, iha oportunidade hanesan Diretor Ezekutivu SASCAS Sr. Edvin Duarte Noronha halo mos abertura ba formasaun durante loron rua ne’e, hahu husi 23-24 Novembru 2023. Formasaun ne’e partisipa husi partisipante membru RFTL mak hanesan; HMF, F-UPB, KDP, JLHSF-TL, ASSOFAC, FEEO, ESPERANSA, FHM, BA FUTURU, AUFD, FUPAS, CNSR, Fundamor, J-ORSF, FFKSH,GFFTL, ho total partisipante 35, Formasaun ne rasik fasilita husi parseira Fundasaun HIAM HealthFormasaun ne’e realiza tamba hetan apoiu husi SASCAS, nu’udar asaun hodi elimina formas diskriminasaun no hametin igualdade inkluzivu no asegura dezenvolvimentu sustentavel.