Rede Feto Timor-Lste, ohin Selebra Kampaña Loron 16 ba Ativísmu Kontra Violensia Hasoru Feto, aumezmu tempu Selebra mos Loron Internasional Direitus Humanus, hamutuk ho Lideransa lokal no Komunidade sira, iha Aldeia Miter, Suku Fatumasi, Postu Administrativu Bazartete, Municipiu Liquiça.
Selebrasaun ne'e ho Objectivu atu rona direta Komunidade sira nia lian, liu-hosi diskusaun publika, ne'ebe tau importansia ba asuntu igualdade jeneru no prevensaun ba Violênsia Bazeia ba Jéneru no diskriminasaun.
Reprezentante Xefe Suku Fatumasi, Xefe Aldeia Miter Sr. Miquel Correia dos Santos iha nia intervensaun hateten katak ita tenke halo kampaña ida ne'e iha baze, tamba violensia hasoru feto no labarik no kazu abandona feto ho labarik kontinua rejistra aas tebes.
Presidenti Konsello Diretoria Rede Feto Timor Leste apela ba feto maluk atu labele tauk atu hotoo keisa wainhira hasoru violasaun atu nune'e bele hetan asistensia legal hodi tulun feto maluk sira ne’ebe sai vitima ba violasaun sira.Atividade ne'e realiza ho apoiu fundu hosi Embaixada América iha Timor -Leste.