28-03-2023, Asosiaun Unidade Feto ba Dezemvolvimentu (AUFD) nudar membru Rede Feto Timor-Leste ohin organiza Auditoria Siguransa Feto iha hospital Horex Munisipiu Baucau hodi avalia bareras nebe fo risku ba feto no labarik iha fatin publiku.

Diretora AUFD, Sra. Bendita de Jesus hatete objetivu hosi Auditoria Siguransa Feto atu halibur no kompila dadus bazeia ba evidénsia, aprendizajen kualitativu, sujestaun no rekomendasaun husi parte sira kona-ba bareiras ba feto no labarik feto iha fatin públiku. Husi rezultadu auditoria ne'e sei Dezenvolve rekomendasaun polítika sira no asaun bazeia ba evidénsia hodi hadia prestasaun servisu no infra-estrutura públika sira, hodi identifika lakunas iha servisu bazeia ba rezultadu auditoria, hodi kria no aumenta espasu iha fatin públiku ida nebe seguru ba feto, labarik no ema ho defisiensia.

Atividade WSA neé hahu ho Mini workshop hodi fahe informasaun konaba konseitu asediu seksual, Avaliasaun kuinesementu liu husi pretest ba partisipantes hotu kompostu husi estudantes no manorin husi Eskola Secundaria 01.Baucau, Funsionarius no pasiente Hospital HOREX Baucau, Funsionariu husi DNTT, Vendedor/a no Jestor Merkadu Rua no Terminal Bauacau inklui ho ONG lokal sira iha Munisipiu Baucau.

Reprezentante Prezidente Autoridade Munisipiu Baucau, atual Diretora Apoiu Sosiedade Civil Munisipiu Baucau Sra.Maria Avelina agradese Wain ba UN Women ne'ebe fo fiar ba Rede Feto Timor-Leste hamutuk ho nia membrus AUFD hodi implenta program Auditoria siguransa feto, apresia ba AUFD ne'ebe kopera Diak ho Autoridade Munisipiu hodi tau Importansia asuntu ASF iha munispiu Baucau hodi kontribui ba Prevensaun ba VBJ no Aseidu Sexual

Husu ba Rede Feto Hamutuk ho membrus sira nafatin halo mos aktivudades hanesan iha area rural, Tamba iha posto Feto no labarik Feto barak Mak afeita Violensia

Atividade ne'e realiza ho apoiu fundus husi UN Women atravez husi Rede Feto Timor-Leste mak oferese ba membrus organizasaun AUFD mak implementa iha Munisipiu Baucau.