Bazeia ba Estatuta Rede Feto Timor-Leste, Artigu 23 kona-ba Definisaun Asembleia Membru oin 3: Asembleia Membru Anuál (AMA) ne´ebé hala’o tinan ida dala ida. Nune’e, hatutan ba artigu mensionada maka, ohin loron Quarta-feira 17 Janeiro 2024 Rede Feto Timor Leste realiza Asembleia Membru Anual (AMA) tinan 2023 , Iha Salaun Apuramentu Nasional CNE Cai-Coli Dili Timor Leste ho Tema “INVESTE IHA REKURSUS UMANUS, HODI HAFORSA IGUALDADE, INTEGRADU, INKLUZIVU NO SUSTENTAVEL".Atividade ne’e ho nia agenda prinsipal rua maka, Aprezenta Relatorio Anual (Narativa ho Finança Global husi Secretariadu Rede Feto Timor-Leste, hodi apresisaun no aprovasaun husi Asembleia no simu Membru foun Rede Feto Timor-leste nian tinan 2023 , ne’ebé rezistadu ona iha Sekretariadu hamutuk 6, iha momentu hanesan membru 6 ne'e hetan aprovasaun ho votus maioria , abstensaun 0 kontra 0, ba membru foun:1.Assosiasaun das Familias dos Antigos Combatentes (ASSOFAC) 2.Grupo das Mulheres Ex-Parlamentares de Timor-Leste (GMEPTL). 3.Assosiasaun Esperansa Feto Defisiensia (AEFD)4.Assosiasaun ba Dame (ABD),5.Assosiasaun Dezemvolvimentu ba Futuru Labarik (ADFL)6.Assosiasaun Bale Alekot Neo Oe-Cusse (BANO).Asembleia Membru Anuál (AMA) tinan 2023 ne’e loke ofisialmente husi Secretario Estadu Igualdade (SEI) no partisipa husi Reprezentante SASCAS, Vice Presidente GMPTL, Deputada ativa, Eis Deputada, Parseirus Nasionais no Internasionais, Observadores, Ativista senior, Konsellu Diretoria Rede Feto Timor-Leste ho nia estrutura, no membrus Rede Feto inklui membrus foun 6.Presidente Konsellu Diretoria Rede Feto Timor-Leste Sra.Zelia Fernandes hato’o Bemvindo no agradesimentu ba konvidadus no membrus sira hotu ne’ebé bele disponivel mai partisipa iha Asembleia Membru Anuál (AMA) tinan 2023 ne’e, Presidente Konsellu Diretoria Rede Feto Timor-Leste Sra.Zelia Fernandes mos hato’o ba partisipante sira hotu kona-ba Objectivu importante Asembleia Membru Anuál (AMA) tinan 2023 no pontu importante balu ne’ebé sei realiza iha Asembleia Membru Anuál (AMA) tinan 2023 ne’eSecretario Estado Igualdade Sra. Elvina Souza Carvalho iha nia intervensaun hateten, ezistensia Rede feto Timor-Leste Importante Tebes iha Nasaun Timor- Leste, ne’ebé fo ona kontribuisaun hari nasaun ida ne’e liu liu atu hadia Advokasia baze legal sira liga ho Igualdade Generu no kombate diskriminasaun , Violensia hasoru Feto no labarik Feto, Ema ho Defisiensia sira no Grupo Vuneravel sira, hanesan Organizasaun Sumbrinã Rede Feto Timor-leste sai hanesan Parseiru importante ba Governu, Rede Feto Timor-leste no governu tulun malu atu hatene tuir Informasaun kona-ba Igualdade Generu iha baze, iha fatin rurais sira no koália kona-ba injustisa sira ne’ebé mak mosu iha komunidade nia leet, koália sai diskriminasaun no violensia sira ne’ebé maka feto sira hasoru iha sira nia moris tomak no iha komunidade nia leet. Iha oportunidade hanesan Secretario Estado Igualdade (SEI) Sra. Elvina Souza Carvalho mos, husu ba Membrus Diretoria Rede Feto Timor-Leste tomak no Organizasaun Sosiedade Sivil hotu hamutuk ho Governu tenki servisu hamutuk atu bele transforma sosiedade sira, hahu husi indivu Feto no Mane, Familia no komunidade iha Nasaun ida ne’eEntretantu reprezentante SASCAS Sra.Suzety Hermayla Pm.Soares hato’o nia Agradesimetu ba Rede feto Timor-Leste tanba bele konvida mos SASCAS mai partisipa iha aktividade ne’e, iha biban ne’e Reprezentante SASCAS Sra.Suzety Hermayla Pm.Soares mos fo sai ba konvidadus sira hotu vijaun no misaun SASCAS nia liga ho nia papel Importante ida atu Apoio Organizasaun Sosiedade Sivil sira hotu nia parte mos salienta tan kona-ba fundus orsamentu SASCAS nia ne’ebé Aprova ona Iha OGE.Iha fatin hanesan reprezentante GMPTL Sra.Lucia Taeki, Kongratula Rede feto Timor-Leste ne’ebé hetan fiar hamahon Membrus organizasaun Feto lubuk ida ne’ebe iha area diferente maibe ho objectivu ida deit atu tulun no fahe esperensia ba sosiedade hotu, Reprezentante GMPTL Sra.Lucia Taeki mos kongratula Membrus hotu ne’ebé ho vontade mai partisipa Asembleia Membru Anuál (AMA) tinan 2023 ne’e, nia parte haktuir aktividade importante oinsa bele hametin servisu entre membrus sira hotu, nia parte mos husu atu hotu hotu nafatin servisu hamutuk hodi bele hakat liu baraeira oioin hodi luta ba Feto no Labarik Feto.Iha oportunidade ne'e mos Rede Feto Timor Leste hato’o Deklarasaun lmprensa kona-ba situasaun real no atual ne’ebé dadaun ne’e akontese iha teritoriu Timor Leste, hanesan menus aimoruk , menus pesoal saude, asuntu edukasaun, folin fos kontinua as, ect.Atividade ne’e realiza tanba hetan apoiu fundus husi SASCAS