Rede Feto Timor Leste servisu hamutuk ho Sekretariadu Safe Kampus Universidade Nasional Timor Loro sa’e (UNTL) ho apoiu hosi UN Women, Tersa feira (15-11-22) organiza aktividade Kamiñada ba Auditoria Seguransa Feto, hodi avalia riskus ba asédiu seksuál no violénsia seksuál kontra feto iha Kampus Faspol UNTL.

Molok hahu Kamiñada ba Auditoria Seguransa Feto, ekipa fasilitadores aprezenta atividades prinsipál sira hanesan fahe Informasaun Jeral konaba definisaun Asediu Seksual katak kualker hahalok ho natureza seksual, la ho vitima nia hakarak atu simu, hatun dignidade ka ofende ema ka kria ambiente servisu ne’ebé halo ema tauk.

Esplika mos Estudu Esploratóriu ba UN Women nia Programa Sidade Seguru no Sentimentu Seguransa iha Área Públika sira, Esplika mos kodigu no signifikadu sira iha area ne’ebe identifikadu ba auditoria iha UNTL mak hanesan Parajen, Toilet no Salaun.