Rede Feto Timor-Leste hamutuk ho parseiru ADRA Timor-Leste durante loron rua (20-21 Fevereiru 2023) halo reflesaun ba implementasaun projeitu hakbi’it feto tinan daruak nian no hare hamutuk progresu no dezafius sira.

Country Director ADRA Timor Leste, Sra.Virginia Pycroft agradese ba Rede Feto Timor-Leste tanba bele servisu hamutuk ho ADRA Timor-Leste ba projeitu Hakbi’it Feto durante tinan rua . Liu hosi enkontru ne’e hanesan momentu diak ba ekipa hotu tur hamutuk hodi halo reflesaun ba aktividade ne’ebé halo no aktividade ne’ebé sei halo iha futuru mai.

Objetivu principal husi Projeitu ne’e atu haforsa liu tan kapasidade organizasaun sosiedade civil sira iha Timor-Leste. Tan ne’e importante iha enkontru ida atu buka kumpriende hodi halo servisu diak liu tan ba oin, mak partisipantes sira tenki hato’o ideias kritikus hodi hare saida mak presiza halo hodi hadia diak liu tan servisu ba futuru.

“ Ita iha ona dalan klaran ita la sente tinan rua ita lao liu ona no hela tan tinan rua. Agora momentu ita hamutuk atu halo reflesaun hodi hare hamutuk saida mak ita halo ona no saida mak ita hakarak atu atinji iha tinan rua mai”

Sra. Virginia hato’o nia sentiment kontente tanba bele hasorumalu no organiza enkontru iha RFTL nia fatin ne’ebé furak tebes. Espera katak fatin ne’e ba oin Rede Feto bele uja hodi lori benefisiu diak ba organizasaun rasik

Enkontru reflesaun ne’e partisipa mos husi reprezentante ADRA Austria Sr. Marcel no membrus implementadores husi Organzasaun Sosiedadade Sivil hanesan Kolegas Da Pas, Esperansa, AUFD no grupu susesu sira.

Atividade ne'e realiza tanba Rede Feto Timor-Leste parseria ho ADRA TIMOR-LESTE no ADRA AUSTRIA ho apoiu finanseiru husi @ Uniaun Eurupoe