Rede Feto Timor -Leste parseria ho ADRA TL liu-husi Projetu Hakbiit Feto, Tersa-feira 20 Fevereiru 2024 hala’o Monitorizasaun ba aktividade ” Village Saving Loan Association (VSLA) Rai no Impresta Osan’’ iha Munisipiu Baucau, Postu Trilolo no Caibada, objetivu husi Monitorizasaun ne’e atu akompaña, rona no hare husi besik prosesu sira hotu liga ho implementasaun atividade Rai no Impresta osan durante tinan 2 resin, benefisiarius husi Membru Rede Feto : Asosiasaun Unidade Feto Dezemvolvimentu (AUFD), nia progresus, desafius no planu ne'ebe sustentavel.

Ekipa Rede Feto lidera husi Diretora Ezekutiva RFTL, Ofisial Projetu Hakbiit Feto, halo vizita direta no kompanha Grupu : Dezemvolvimentu Ekonomia Familia (DEF) ho Grupu Mata dalan. Tuir observasaun Ekipa nian hare, iha interese boot husi membrus grupu inklui apoiu masimu husi Chefi Suku no rezulta progresu boot iha prosesu rai / investe osan, kreditu, selu kreditu inklui osan funan, osan social, osan multa no osan administrasaun. Iha prosesu ne'e benefisiariu sira iha planu diak ba futuru no mos rekomenda atu aumenta fundus VSLA, aumenta formasaun kona-ba jestaun no kontinua hala’o estabelese grupu hodi oferese atividade VSLA iha fatin no benefisiariu seluk, atu ajuda fahe no dezenvolve pratika diak kona-ba oinsa hetan rendimentu, investe no jere rendimentu hodi hetan retornu ba sustenta ekonomia familia.