Rede Feto Timor-Leste ho Membru Grupu Feto Foin Sae Timor-Leste (GFFTL), realiza kampanha loron 16 ativismu kontra Violensia hasoru Feto no labarik iha Suku Abafala, Postu Administrativu Kelikai, Munisipiu Baucau ho objetivu atu hatene klean kona ba kondisaun no situasaun komunidade ligadu ho violensia hasoru feto no labarik

Prezidente Konsellu Diretoria RFTL, Sra. Zelia Fernandes liu hosi abertura hatete Tinan ida ita iha loron 365.25, no durante tinan ida nia laran ita iha loron 16 nebe defini ona hanesan loron kampanha ativismo kontra violensia hasoru feto no labarik iha mundu tomak inklui Timor-Leste hahu husi dia 25 Novembru to 10 Dezembru.

"Tinan ida ne'e ami deside halo abertura ba kampanha iha Suco Abafala, Postu Administrativu Quelicai, Municipiu Baucau liu husi atividade Dialogu/diskusaun hodi bele rona barak liu husi komunidade, nune'e bele hatene klean kona ba kondisaun no situasaun komunidade ligadu ho violensia hasoru feto no labarik," haktuir Prezidente RFTL

Reprezentante Administrasaun Postu Quelicai Agradese wain ba GFFTL no Rede Feto nebe tau ona Suco Abafala ba tarjeitu abertura kampanha loron 16 ativismu kontra violensia hasoru feto no labarik nune bele fahe informasaun ba malu oinsa ita bele kombate violensia hasoru feto no labarik sira iha TL, liu liu iha Suco Abafala, tamba ne'e husu ita hotu nia konsiensia hodi bele partisipa atividade ne too rohan nune bele komprende diak no hatene oinsa ita bele kontribui ba hapara Violensia hasoru feto no labarik iha ita nia rai.

Diretora GFFTL Sra. Esmenia Laura hatete Tinan tinan modelu atividade iha kampanha loron 16 ativismo kontra violensia hasoru feto no labarik, GFFTL sempre selebra liu husi atividade sosializasaun no deziminisaun informasaun sira ligadu ho kampanha ne'e rasik, kona ba VBJ, VD no oinsa atu hetan asistensia ruma nebe sosializa direita husi ita nia setor save relevante sira, maibe iha tihan ne'e liu husi koperasaun ho Rede Feto, konklui katak tinan ne muda estratejia hodi realiza kampanha ne liu husi atividade "Dialogu ho Komunidade" ho objetivu atu rona barak liu husi komunidade hodi bele rekolla informasaun barak liu kona ba komunidade nia prekupasaun no problema sira, nune bele tulun Rede Feto ho nia membru sira hodi halo advokasia ba nivel toma desizaun no ministério relevante sira, inklui parlamento nasional hodi bele kombate ba hapara violensia hasoru feto no labarik iha ita nia rai.