Rede Feto Timor-Leste Sesta feira (29/07/2022) asina akordu ho organizasaun Membrus Fokupers no GFFTL hodi implementa projeitu hapara violensia bazeia ba jeneru.

Diretora Ezekutiva Rede Feto Timor-Leste Sra. Aida Exposto hateten objetivu hosi Programa ne’e, maka atu hasa’e koñesimentu no prevene grupu vulneravel sira kona-ba Hapara Violensia Bazeia ba Jeneru no bele asesu ba servisu multi-setorial, no mós atu aumenta kapasidade rede servisu hodi responde ba kazu VBJ, hadia implementasaun no mekanismu monitorizasaun ba Lei Violensia Domestika no prosedimentu legál ba kazu VBJ iha Munisipiu Dili.

Servisu Parseria ne’e halo relasiona ho Projetu Hapara Violensia Bazeia ba Jeneru, ne’ebe inplementa iha Munisipiu Dili, hosi FOKUPERS no GFFTL, nudar Membru Rede Feto Timor-Leste, ne’ebe financia hosi US Embacy iha Timor-Leste.