Rede Feto oferese formasaun prátika no estratéjiku iha Jestaun Administrasaun, ho objetivu atu permite profisionál sira hala’o funsaun administrativa ho efikásia no efisiénsia. Formasaun ne’e oferese ba sira ne’ebé buka atu hasa’e abilidade iha administrativu, organizasaun, jestaun rekursu no apoiu estratéjiku iha organizasaun nia laran.

Objetivu hosi treinamentu nian:

• Dezenvolve abilidade iha jestaun administrativa ne’ebé efisiente, ho foku ba organiza no optimiza prosesu internu sira.

• Kapasita partisipante sira iha jestaun rekursu materiál, umanu no finanseiru, ho objetivu atu hadi’a dezempeñu organizasaun nian.

• Hanorin prátika di’ak sira ba planeamentu, kontrolu no ezekusaun prosesu administrativu sira.

• Promove efisiénsia operasionál no redusaun kustu liuhosi estratéjia administrativa ne’ebé estruturadu ho di’ak.

• Prepara partisipante sira atu foti desizaun administrativu bazeia ba dadus no rezultadu konkretu.

Konteúdu Programa:

• Fundamentu sira jestaun administrativu nian no papél administrasaun nian iha organizasaun sira.

• Planeamentu estratéjiku no operasionál ba jestaun ne’ebé efetivu.

• Jestaun ba prosesu administrativu sira no melloramentu kontínuu.

• Jestaun ba rekursu materiál no umanu: kompras, inventáriu no distribuisaun.

• Kontrolu orsamentál no finanseiru iha kontestu administrativu.

• Ferramenta no teknolojia sira ba automasaun no optimizasaun prosesu administrativu sira.

• Jestaun tempu, produtividade no organizasaun iha servisu fatin.

Durasaun no Modalidade: Formasaun ne’e iha karga serbisu oras 24, distribui iha loron tolu (3) formasaun dinámiku, ho atividade prátika no teórika. Uza aprosimasaun partisipativu, partisipante sira sei iha oportunidade atu aplika koñesimentu ne'ebé hetan iha situasaun reál sira iha ambiente korporativu.

Benefísiu sira husi Treinamentu:

• Hadi'a abilidade administrativu sira ba dezempeñu ne'ebé efisiente no produtivu liu.

• Kapasidade ne’ebé boot liu atu planeia no kontrola prosesu administrativu ho estratéjiku.

• Hadi’a organizasaun no jestaun ba rekursu materiál no umanu.

• Hasa’e produtividade no hamenus kustu liuhosi aplikasaun prátika administrativa ne’ebé di’ak.

• Dezenvolvimentu abilidade atu foti desizaun administrativu bazeia ba dadus konkretu no análize detallu.

• Preparasaun atu implementa inovasaun no optimizasaun sira iha prosesu administrativu sira.

Treinadór: Formasaun fornese husi profisionál sira husi Rede Feto ho esperiénsia barak iha jestaun administrativa, planeamentu estratéjiku no optimizasaun ba prosesu organizasionál sira. Formadór sira lori abordajen prátika, bazeia ba situasaun reál no dezafiu sira moris administrativu loroloron nian, hodi fornese aprendizajen ne'ebé iha valór no aplikavel.

Rejistu: Formasaun Jestaun Administrasaun agora loke ona ba rejistu. Keta lakon oportunidade atu hadi'a Ita-boot nia abilidade sira no transforma Ita-boot nia organizasaun nia jestaun administrativu.

Ba informasaun liután no rejistu liu husi website ida ne'e ka kontaktu mai nu. 3312841 ou bele direita mai iha eskritoriu Rede Feto.