Rede Feto oferese formasaun espesializada iha VSLA (Asosiasaun Poupansa no Empréstimu Komunitáriu), ho objetivu atu promove autonomia ekonómika no hakbiit feto sira iha komunidade sira. Programa ne’e ho objetivu atu haforsa kapasidade grupu komunitáriu sira nian hodi jere sira-nia poupansa rasik, empresta ho seguru no sustentável, no hadi’a sira-nia seguransa finanseira ba tempu naruk.

Durasaun:

Formasaun ne’e dura loron 3 (ajusta tuir planu formasaun nian). Durante períodu ida-ne'e, partisipante sira sei iha oportunidade atu aprende iha sesaun teórika no prátika.

Konteúdu ne'ebé kobre inklui, entre tópiku sira seluk:

1. Introdusaun ba konseitu VSLA: Saida mak VSLA, oinsá nia serbisu no nia importánsia ba komunidade sira.

2. Jestaun Poupansa no Empréstimu: Estratéjia sira ba sistema poupansa no empréstimu iha komunidade nia laran.

3. Jestaun finanseira: Oinsá atu jere osan ho efetivu, kontrola gastu sira no aumenta poupansa.

4. Organizasaun no Lideransa Komunidade: Dezenvolve abilidade sira atu forma no lidera grupu VSLA ho susesu.

5. Sustentabilidade VSLA: Oinsá atu asegura kontinuidade no kreximentu grupu poupansa no empréstimu nian iha tempu naruk.

6. Istória susesu no prátika di’ak sira: Ezemplu husi komunidade sira ne’ebé implementa ho susesu sistema VSLA.

Benefísiu sira husi Treinamentu:

Treinamentu ne’e nakloke ba feto no mane sira ne’ebé hakarak hadi’a jestaun finanseira sira-nia komunidade no aprende kona-ba benefísiu husi sistema poupansa no empréstimu ne’ebé seguru no sustentável.

Rejistu:

Ba maluk sira ne'ebe interese ba formasaun VSLA, bele halo rejistu direitamente iha ami nia website ka direita mai iha eskritóriu Rede Feto.

Ba informasaun klean bele kontaktu ami liuhosi numero +670 3312841.