Rede Feto oferese formasaun espesializada iha Jestaun no Lideransa ho objetivu atu permite lider no jestór sira atu dezenvolve abilidade esensiál sira ba jestaun ne'ebé efetivu, estratéjiku no umanu iha sira nia organizasaun. Treinamentu ne’e dirije ba profisionál hotu-hotu ne’ebé hakarak hadi’a sira-nia abilidade lideransa, jestaun ekipa no foti desizaun.

Objetivu Treinamentu: Objetivu prinsipál husi treinamentu ne’e mak atu haforsa abilidade jestaun no lideransa husi partisipante sira, promove vizaun estratéjiku ba foti desizaun, jestaun konflitu no motivasaun ekipa. Aleinde ne'e, ami buka atu hadi'a intelijénsia emosionál no abilidade komunikasaun ne'ebé efetivu iha ambiente korporativu.

Durasaun Treinamentu: Treinamentu ne’e ho durasaun loron 3 ho atividade intensivu, ho aprosimasaun prátika no dinámiku, inklui diskusaun kazu no simulasaun.

Benefísiu sira husi Treinamentu:

• Dezenvolvimentu abilidade lideransa ne’ebé efetivu.

• Hadi'a iha komunikasaun interpesoál no jestaun ekipa nian.

• Aumenta kapasidade rezolusaun problema no foti desizaun estratéjiku.

• Konfiansa boot liu ba an rasik iha papél lider no jestór nian.

• Estimula intelijénsia emosionál iha kontestu profisionál.

• Hametin espíritu ekipa no kolaborasaun.

Formadór sira: Formadór sira ba módulu ida-ne'e maka membru sira ne'ebé kualifikadu hosi Rede Feto, profisionál sira ho esperiénsia kle'an iha área jestaun, lideransa no dezenvolvimentu organizasionál. Sira oferese vizaun prátika ida bazeia ba esperiénsia reál sira, fornese aprendizajen klean ne'ebé bele aplika ba partisipante sira nia moris loroloron.

Rejistu: Rejistu ba formasaun Jestaun Lideransa nian loke ona. Partisipa no transforma maneira ne'ebé ita-boot lidera ita-boot nia ekipa, hodi kria ambiente ida ne'ebé kolaborativu liu, produtivu no inovativu.

Ba informasaun liután no rejistu: liu husi website ida ne'e, bele direitamente mai eskritoriu Rede Feto Timor-Leste.